Prezident İlham Əliyev COP29 çərçivəsində inkişaf etməkdə olan kiçik ada dövlətlərinin Sammitində iştirak edərək Azərbaycanın iqlim dəyişikliyi ilə mübarizədəki fəallığını və bu sahədəki beynəlxalq əməkdaşlığın əhəmiyyətini vurğulayıb. Azərbaycan, həm inkişaf etməkdə olan ölkələr, həm də kiçik ada dövlətləri ilə əməkdaşlıq etməyə hazır olduğunu bildirib, eyni zamanda iqlim dəyişikliyinin qlobal miqyasda daha ciddi nəticələrə yol açacağının əhəmiyyətini önə çəkib.
Prezidentin çıxışında, Azərbaycanın iqlim dəyişikliklərinə qarşı mübarizədəki strateji yanaşmalarına xüsusi yer verildi. O, ölkənin davamlı inkişaf məqsədinə xidmət edən ekoloji siyasətlərinin qlobal miqyasda da mühüm rol oynadığını qeyd edib. Azərbaycanın enerji siyasətinin əsas məqsədinin təmiz enerji mənbələrinin artırılması və karbon emissiyalarının azaldılması olduğunu vurğulayan Prezident Əliyev, eyni zamanda Azərbaycanın artıq bir neçə il öncə, 2030-cu ilədək təbii sərvətlərin istifadəsində və enerji istehsalında daha çevik və ekoloji cəhətdən təmiz texnologiyaların tətbiqinə başlandığını qeyd edib.
Prezident Əliyev, kiçik ada dövlətlərinin iqlim dəyişikliyinin fəsadlarından daha çox təsirləndiyini nəzərə alaraq, onların xüsusi ehtiyaclarına və çağırışlarına daha çox diqqət ayrılmasının vacibliyini ifadə etdi. O, bu dövlətlərin iqtisadi və sosial inkişaflarını dəstəkləyəcək maliyyə və texnoloji resursların təmin olunmasının zəruri olduğunu bildirdi. Azərbaycan, öz təcrübəsindən istifadə edərək, kiçik ada dövlətlərinə dəstəyi davam etdirəcəyini və bu sahədə beynəlxalq əməkdaşlığın dərinləşdirilməsinin vacibliyini ifadə etdi.
Sammitdə Prezident İlham Əliyev, həmçinin ölkələrin ekoloji siyasətlərində bərabərlik və ədalət prinsiplərinin önəmli olduğunu bildirdi. O, iqlim dəyişikliyi ilə mübarizənin yalnız inkişaf etmiş ölkələrin məsuliyyəti olmadığını, bütün ölkələrin birgə səylərini tələb etdiyini qeyd edərək, dünya miqyasında təbii resursların qorunması və davamlı inkişafın təmin olunmasının zəruri olduğunu vurğuladı.
Çıxışında Azərbaycanın, beynəlxalq müstəvidə iqlim dəyişikliyi ilə bağlı təşəbbüslərini daha da gücləndirəcəyini və kiçik ada dövlətlərinin qarşılaşdığı çətinlikləri nəzərə alaraq, bu sahədə qlobal əməkdaşlığa töhfə verəcəyini açıqladı. Azərbaycanın iqlim siyasətində regional və beynəlxalq əməkdaşlıq, bu məsələdə bütün tərəflərin razılığa gəlməsi və ortaq hədəflərə çatılması üçün böyük önəm daşıyır.
Prezident İlham Əliyevin çıxışı, Azərbaycanın bu məsələyə yanaşmasının və iqlim dəyişikliyi ilə mübarizədəki fəallığının beynəlxalq aləmdə nə qədər əhəmiyyətli olduğunu bir daha göstərdi. Bu tədbir, həmçinin Azərbaycan üçün iqlim siyasətindəki liderliyini və inkişaf etməkdə olan ölkələrə, xüsusən kiçik ada dövlətlərinə dəstək vermək istiqamətindəki iradəsini nümayiş etdirdi.
Rəna Süleymanlı,
YAP-ın gənc fəalı
