Zəfər parkının açılışında Prezident İlham Əliyev çıxış edərək, Azərbaycanın 2020-ci ildə Qarabağda qazandığı tarixi zəfərin əhəmiyyətindən danışıb. O, bu qələbəni Azərbaycan xalqının milli birliyi, səbr və qətiyyətinin nəticəsi kimi dəyərləndirdi. Cənab İlham Əliyev qeyd etdi ki, ölkənin 30 il boyunca Ermənistanın işğalı altında olan əraziləri azad etmək üçün mübarizə apardığını, ordunun gücləndirilməsi və beynəlxalq aləmdə Azərbaycanın haqq səsinin çatdırılması üçün səylərin dayanmadan davam etdirildiyini vurğuladı.
Prezident həmçinin Ermənistanın münaqişə dövründə Azərbaycanın şəhər və kəndlərinə qarşı törətdiyi hərbi cinayətlərə toxunaraq, erməni qüvvələrinin müxtəlif ağır raketlərdən istifadə edərək mülki yaşayış məntəqələrini hədəf aldığını xatırlatdı. Buna baxmayaraq, Azərbaycan xalqının iradəsi zəifləmədi və müharibəni sona qədər davam etdirdi. 8 noyabrda Şuşa şəhərinin işğaldan azad olunmasının düşmən ordusuna ağır zərbə vurduğunu və qələbənin əldə olunmasında həlledici rol oynadığını bildirdi.
Parkın simvolizmi də bu çıxışda xüsusi qeyd olundu: burada Azərbaycan əsgərinin qəhrəmanlığını və xalqın azadlıq istəyini əks etdirən Zəfər abidəsi, Vətən müharibəsində şəhid olanların xatirəsinə həsr olunmuş Zəfər muzeyi və Azadlıq Bayrağı Meydanı kimi müxtəlif məkanlar yaradılıb. İlham Əliyev bu parkın gələcək nəsillərə Azərbaycanın tarixi uğurunu unutmamaq və onları vətənpərvərliyə təşviq etmək üçün mühüm bir simvol olduğunu vurğuladı.
Gülnar Qurbanova,
YAP Şuşa rayon təşkilatının fəalı
