Azərbaycan Respublikasının Prezidenti cənab İlham Əliyevin Oktyabrın 27-də Bakıda “Ortaq gələcək naminə dialoq” mövzusunda VII Ümumdünya Mədəniyyətlərarası Dialoq Forumunun açılış mərasimindəki tarixi çıxışı qlobal miqyasda sülh, əməkdaşlıq və mədəniyyətlərarası anlaşmanın yeni paradiqmalarını müəyyənləşdirdi. Dövlət başçısının səsləndirdiyi fikirlər dünyanın müxtəlif bölgələrində mövcud olan gərginliklərin aradan qaldırılması və qarşılıqlı etimad mühitinin yaradılması baxımından mühüm strateji əhəmiyyət daşıyır.
Azərbaycan Prezidenti İlham Əliyev: “Azərbaycan müxtəlif mədəniyyətlərin, dinlərin və sivilizasiyaların qovuşduğu məkan olaraq hər zaman sülhün, təhlükəsizliyin və birgəyaşayışın təşviq edilməsinə özünün mühüm töhfəsini vermişdir və bu missiyanı bundan sonra da qətiyyətlə davam etdirəcəkdir.”
Azərbaycan Respublikasının Prezidenti cənab İlham Əliyevin Bakıda keçirilən VII Ümumdünya Mədəniyyətlərarası Dialoq Forumunun açılış mərasimindəki çıxışı ölkəmizin qlobal miqyasda sülh və əməkdaşlıq mərkəzi kimi rolunu bir daha nümayiş etdirdi. Bu mötəbər tədbir dünyanın dörd bir yanından gələn yüksək səviyyəli qonaqları, dövlət və hökumət nümayəndələrini, görkəmli elm və mədəniyyət xadimlərini bir araya gətirərək qlobal problemlərin müzakirəsi üçün unikal platforma yaratdı.
Azərbaycan uzun illərdir ki, Şərqlə Qərb, Şimalla Cənub arasında körpü rolunu oynayaraq mədəniyyətlərarası dialoqun inkişafına əvəzsiz töhfələr verir. Ölkəmizdə əsrlər boyu formalaşmış tolerantlıq və multikulturalizm ənənələri bu gün təkcə milli səviyyədə deyil, həm də beynəlxalq miqyasda nümunəvi model kimi qəbul olunur. Prezident İlham Əliyevin rəhbərliyi ilə həyata keçirilən məqsədyönlü siyasət nəticəsində Azərbaycan müxtəlif sivilizasiyalar arasında dialoqun qurulmasında qlobal təşəbbüslərin mərkəzinə çevrilmişdir. Bakı Prosesi kimi qlobal təşəbbüslər BMT tərəfindən də dəstəklənmiş və bütün dünyada mədəniyyətlərarası anlaşmanın təşviqində əsas vasitələrdən birinə çevrilmişdir.
Bu gün dünyada baş verən münaqişələr, qarşıdurmalar və ksenofobiya meyilləri fonunda Azərbaycanın irəli sürdüyü sülh və əməkdaşlıq mesajları xüsusi aktuallıq kəsb edir. Dövlət başçısı çıxışında vurğuladı ki, mədəni müxtəliflik bəşəriyyətin zənginliyidir və bu zənginlik qarşıdurma deyil, qarşılıqlı zənginləşmə mənbəyi olmalıdır. Azərbaycan özünün iqtisadi və siyasi gücü ilə yanaşı, yumşaq gücündən də istifadə edərək dünya miqyasında sülhsevər imicini möhkəmləndirir.
Forum iştirakçıları Azərbaycanın bu sahədəki səylərini yüksək qiymətləndirərək ölkəmizin qlobal təhlükəsizlik və sabitlik arxitekturasındakı yerini xüsusi vurğuladılar. Prezidentin çıxışında qeyd olunan əsas ideyalardan biri də odur ki, gələcək nəsillər üçün daha təhlükəsiz və ədalətli dünya qurmaq yalnız açıq dialoq və qarşılıqlı hörmət prinsipi əsasında mümkündür. Azərbaycan dövləti hər zaman beynəlxalq hüquq normalarına hörmətlə yanaşmış və bütün dövlətlərlə bərabərhüquqlu, qarşılıqlı faydalı əməkdaşlıq münasibətləri qurmuşdur.
VII Ümumdünya Mədəniyyətlərarası Dialoq Forumu bir daha sübut etdi ki, Bakı şəhəri dünya miqyasında mədəniyyətlərin qovuşduğu və sülh çağırışlarının səsləndiyi əsas mərkəzlərdən biridir. Bu baxımdan, dövlət başçısının çıxışı təkcə cari məsələlərin müzakirəsi deyil, həm də gələcək nəsillər üçün strateji yol xəritəsidir. Azərbaycanın təşəbbüsü ilə həyata keçirilən belə qlobal tədbirlər xalqların bir-birini daha yaxşı anlamasına, ortaq dəyərlərin qorunmasına və qlobal çağırışlara qarşı birgə mübarizə aparılmasına xidmət edir.
Prezident İlham Əliyevin qətiyyətli mövqeyi və uzaqgörən siyasəti ölkəmizin beynəlxalq aləmdəki nüfuzunu gündən-günə artırır. Azərbaycan hər zaman sülhün, tərəqqinin və mədəniyyətlərarası inteqrasiyanın tərəfdarı olmuşdur və bu yoldan heç vaxt dönməyəcəkdir.
Forumun yekunları göstərir ki, Azərbaycanın qlobal miqyasda irəli sürdüyü təşəbbüslər dünya birliyi tərəfindən rəğbətlə qarşılanır və dəstəklənir. Ölkəmiz bundan sonra da beynəlxalq sülh və təhlükəsizliyə öz töhfələrini verməkdə davam edəcəkdir. Bu prosesdə hər bir vətəndaşın və dövlət qurumunun üzərinə mühüm məsuliyyət düşür. Azərbaycanın uğurlu modeli bütün dünyaya göstərir ki, fərqli dinlərin və mədəniyyətlərin nümayəndələri sülh və əmin-amanlıq şəraitində yaşaya bilərlər.
Prezidentin çıxışı həm də qlobal miqyasda sülhsevər qüvvələrin birləşməsi üçün güclü bir impuls oldu. İnandırıcılıq və əməkdaşlıq prinsiplərinə əsaslanan bu siyasət Azərbaycanın gələcək inkişafının da qarantıdır. Beləliklə, Azərbaycan mədəniyyətlərarası dialoq sahəsində qlobal lider kimi öz mövqeyini bir daha təsdiq etdi və bütün dünyaya sülh mesajı göndərdi.
Heydər Rəhimov,
Nizami bələdiyyəsinin sədr müavini
