Azərbaycan gəncliyi ölkəmizin gələcəyini müəyyən edən əsas qüvvədir. Gənclər hər zaman yeniliklərin, inkişafın və vətənpərvərliyin simvolu olmuşlar. Azərbaycan Respublikasında gənclərə qayğı və diqqət dövlət siyasətinin prioritet istiqamətlərindən biridir. 1997-ci ildə Ümummilli lider Heydər Əliyevin təşəbbüsü ilə 2 Fevral – Azərbaycan Gəncləri Günü elan edilmişdir. Bu, ölkəmizdə gənclərə verilən yüksək dəyərin bariz nümunəsidir. Prezident İlham Əliyevin rəhbərliyi altında bu siyasət daha da inkişaf etmiş və yeni mərhələyə qədəm qoymuşdur.Azərbaycan dövləti gənclərin bilik və bacarıqlarının artırılması üçün geniş imkanlar yaradır. Təhsil, sosial rifah, idman, mədəniyyət və innovasiya sahələrində gənclərə müxtəlif dəstək proqramları təqdim olunur. Gənclər Fondu və müxtəlif təqaüd proqramları gənclərin inkişafına mühüm töhfə verir. “ASAN Xidmət” və “Könüllülər Hərəkatı” kimi layihələr gənclərin cəmiyyətə inteqrasiyasını sürətləndirir. Bu platformalar sayəsində gənclər həm sosial bacarıqlarını inkişaf etdirir, həm də ölkənin idarə olunmasında aktiv iştirak edirlər..Azərbaycan gəncləri təkcə ölkə daxilində deyil, beynəlxalq arenada da öz uğurları ilə seçilir. İdmançılarımız olimpiya oyunlarında, dünya çempionatlarında bayrağımızı yüksəklərə qaldırırlar. Gənc alimlərimiz, innovatorlarımız və startapçılarımız qlobal miqyasda Azərbaycanı təmsil edirlər.
Azərbaycan dövlətinin əsas hədəflərindən biri gəncləri vətənpərvər ruhda yetişdirməkdir. Vətən müharibəsində gənclərimizin göstərdiyi qəhrəmanlıq bunun ən bariz nümunəsidir. Azərbaycan gəncliyi həm cəbhədə, həm də arxa cəbhədə ölkəsinin müdafiəsi üçün bir yumruq kimi birləşdi.Prezident İlham Əliyev gənclərə güvənir və onların potensialını yüksək qiymətləndirir. “Gənclər bizim gələcəyimizdir və onların inkişafı üçün hər cür şərait yaradılmalıdır” fikri dövlət başçısının bu sahəyə verdiyi önəmi göstərir. Gənclər də öz növbəsində dövlətin onlara göstərdiyi etimadı doğrultmaq üçün var gücləri ilə çalışırlar. Azərbaycanın ali təhsil müəssisələri müasir texnologiyalar və yeni təhsil modelləri ilə gənclərin bilik və bacarıqlarını artırmağa xidmət edir. Ölkədə fəaliyyət göstərən müxtəlif təqaüd və qrant proqramları gənclərə xaricdə təhsil almaq imkanı yaradır. Dünyanın nüfuzlu universitetlərində təhsil alan azərbaycanlı gənclər biliklərini ölkəmizin inkişafı üçün tətbiq edirlər. Dövlət gənclərin sosial rifahını yaxşılaşdırmaq üçün müxtəlif layihələr həyata keçirir. Gənc ailələrin mənzil təminatı proqramları, ipoteka kreditləri və digər sosial dəstək mexanizmləri gənclərin rifahını yüksəltməyə yönəlib. Həmçinin idman kompleksləri, gənclər mərkəzləri və mədəniyyət evləri gənclərin asudə vaxtlarını səmərəli keçirmələri üçün yaradılıb.Azərbaycan gəncləri eyni zamanda informasiya texnologiyaları və rəqəmsal sahədə də sürətli inkişaf edirlər. Gənc proqramçılar, mühəndislər və startapçılar innovativ layihələr reallaşdıraraq ölkəmizi texnoloji cəhətdən irəli aparmağa çalışırlar. Bu sahədə dövlətin dəstəyi yeni startapların və texnologiya mərkəzlərinin yaranmasına təkan verir. Ölkədə gənclərin idarəetmədə aktiv iştirakı da xüsusi diqqət mərkəzindədir. Gənclər siyasəti üzrə müxtəlif forumlar, konfranslar və debatlar təşkil olunur. Bu tədbirlər sayəsində gənclər öz ideyalarını bölüşmək və qərar qəbuletmə prosesində iştirak etmək imkanı əldə edirlər.Dövlətin həyata keçirdiyi uğurlu gənclər siyasəti gələcək illərdə də davam edəcək. Prezident İlham Əliyevin rəhbərliyi ilə həyata keçirilən strategiya Azərbaycan gənclərinin daha da inkişaf etməsinə və ölkəmizin gələcəyinə töhfə verməsinə şərait yaradır.
2 Fevral – Gənclər Günü təkcə bir bayram deyil, eyni zamanda gənclərin cəmiyyətə verdiyi töhfənin təsdiqidir. Bu gün Azərbaycan gəncləri daha güclü, savadlı və vətənpərvərdir. Azərbaycanın sabahı gənclərin əlindədir və onların hər biri ölkənin inkişafına töhfə verməyə hazırdır. Dövlətin gənclərə göstərdiyi dəstək və yaradılan imkanlar sayəsində biz gələcəyə daha inamla baxırıq. Gənclər üçün yaradılan yeni imkanlar onların uğurlarını artıracaq və Azərbaycanı daha da gücləndirəcək.
Sahil Əliyev,
YAP-ın gənc fəalı
