Azərbaycan Respublikasının Prezidenti cənab İlham Əliyev 2025-ci ilin may ayında Macarıstana işgüzar səfər etmişdir. Bu səfər iki ölkə arasında dostluq və strateji tərəfdaşlıq münasibətlərinin daha da möhkəmləndirilməsi məqsədi daşıyırdı.
Səfər çərçivəsində Prezident İlham Əliyev Macarıstanın Baş naziri Viktor Orban ilə görüş keçirmiş, iki ölkə arasında siyasi, iqtisadi, enerji və mədəni sahələrdə əməkdaşlığın genişləndirilməsi istiqamətində müzakirələr aparılmışdır. Görüşdə Azərbaycan ilə Macarıstan arasında enerji təhlükəsizliyi, alternativ enerji layihələri və nəqliyyat dəhlizləri kimi mühüm məsələlər diqqət mərkəzində olmuşdur.
Macarıstan Avropa İttifaqı çərçivəsində Azərbaycanın ən yaxın tərəfdaşlarından biri kimi çıxış edir. İki ölkə arasında enerji sahəsindəki əməkdaşlıq, xüsusilə təbii qazın nəqli ilə bağlı layihələr, bu münasibətləri strateji səviyyəyə çatdırıb. Macarıstanın Azərbaycanla olan əlaqələri, Cənubi Qafqaz regionuna Avropanın artan marağını da ifadə edir.
Bundan başqa, mədəniyyət və təhsil sahələrində sıx əməkdaşlıq həyata keçirilir. Macarıstan universitetlərində azərbaycanlı tələbələrin sayı artmaqdadır. Eləcə də Azərbaycanda macar mədəniyyətinə göstərilən maraq və birgə tədbirlər, xalqlar arasında dostluq münasibətlərini möhkəmləndirir.
Bu əlaqələrin gələcəkdə daha da genişlənməsi üçün hüquqi baza möhkəmləndirilir, yeni sənədlər imzalanır və qarşılıqlı səfərlər təşkil olunur. Azərbaycan və Macarıstanın münasibətləri klassik diplomatik çərçivədən çıxaraq, etibarlı müttəfiqliyə çevrilib.
Həsənova Səbinə,
YAP-ın fəalı
