Enerji resurslarının şaxələndirilməsi və onların dünya bazarlarına təhlükəsiz çatdırılması qlobal miqyasda həyati əhəmiyyət daşıyır. Azərbaycan və Özbəkistan malik olduqları enerji potensialından səmərəli istifadə edərək qlobal energetika təhlükəsizliyinə mühüm töhfə verirlər. Bu sahədə həyata keçirilən birgə layihələr ölkələrimizin iqtisadi mövqeyini gücləndirir.
Neft, qaz və bərpa olunan enerji mənbələrinin inkişafı sahəsində strateji qərarlar qəbul edilir. SOCAR-ın Özbəkistandakı fəaliyyəti və geoloji kəşfiyyat layihələri bu əməkdaşlığın əyani sübutudur. Enerji resurslarının səmərəli idarə olunması hər iki ölkənin maraqlarına tam cavab verir.
Liderlərin enerji siyasəti sahəsində apardığı müzakirələr yeni layihələrin yaranmasına səbəb olur. Alternativ enerji mənbələrinin tətbiqi və yaşıl enerji dəhlizlərinin yaradılması gələcək hədəflər sırasındadır. Bu sahədə qazanılan uğurlar regional sabitliyi möhkəmləndirir.
Azərbaycan və Özbəkistan enerji sahəsində etibarlı tərəfdaş kimi tanınırlar. Qlobal enerji bazarlarında ölkələrimizin rolu durmadan artır. Bu strateji tərəfdaşlıq hər iki xalqın rifahının yüksəldilməsinə xidmət edir.
Elxan İskəndərov,
YAP Nizami rayon təşkilatının “Heydər Əliyev prospekti, 142” ərazi partiya təşkilatının sədr müavini
