“İstisu” Müalicəİstirahət Kompleksi Azərbaycanın Kəlbəcər rayonunda yerləşən, müalicəvi turizm və istirahət mərkəzi kimi fəaliyyət göstərəcək modern bir layihədir. Kompleks həm sağlamlıq turizmi, həm də istirahət məqsədli xidmətlər üçün nəzərdə tutulmuşdur.İstisu kompleksi Kəlbəcər rayonunun eyni adlı İstisu ərazisində yerləşir. Bu regionun əsas üstünlüyü termal və mineral sularla zəngin olmasıdır. Kompleks dağlıq ərazidə, təmiz hava və mənzərəli təbiət fonunda yerləşir ki, bu da həm istirahət, həm də müalicə üçün əlverişlidir. Aşağı İstisu mənbəyi layihənin əsas su ehtiyatını təşkil edir. Alman mütəxəssislər tərəfindən analiz edilmiş bu suyun fizyoloji və metabolik təsirləri sübut olunub. Suyun tərkibində natrium, kalsium, maqnezium və digər minerallar mövcuddur.
Müalicəvi təsirləri: həzm sistemi problemləri, sidik yolları xəstəlikləri, maye və natrium balansının bərpası, uşaqlarda diş kariyesinin profilaktikası. İstisu sanatoriyası 1927-ci ildən fəaliyyət göstərməyə başlamışdır. Sovet dövründə “ittifaq əhəmiyyətli” kurortlardan biri hesab olunurdu və illik qəbul gücü 50 000 nəfərə qədər yüksəlirdi.Münaqişələr nəticəsində sanatoriyanın fəaliyyəti dayandırılmış və obyekt uzun müddət istifadəsiz qalmışdır. Son illərdə Azərbaycan hökuməti bölgənin bərpası və turizm potensialının inkişafı üçün böyük layihələr həyata keçirir.
Yeni bərpa layihəsi çərçivəsində kompleks müasir standartlara uyğun olaraq dizayn edilmişdir.Otaqlar və Kotteclər, SPA və Müalicə Mərkəzi , İaşə və Əyləncə, İnfrastruktur və əlavə layihələr, Mineral Su Zavodu. Kompleksdəki mənbələrdən su doldurma üçün zavod tikilir.. İstisu kompleksinin ən mühüm üstünlüklərindən biri onun müalicəvi funksiyasıdır. Burada müxtəlif tibbi və sağlamlıq xidmətləri göstəriləcək. Bu xidmətlər müasir tibbi avadanlıqlarla təmin ediləcək və həm müalicəvi, həm də sağlamlıq turizmi üçün əlverişli şərait yaradacaq.
“İstisu” Müalicəİstirahət Kompleksi Kəlbəcər rayonunun turizm potensialını ciddi şəkildə artıracaq. Regional iqtisadi inkişaf və məşğulluğun artırılması ,Sağlamlıq turizminin genişləndirilməsi Azərbaycanın beynəlxalq turizm bazarında tanınmasının artırılması,Yerli infrastrukturun inkişafı . “İstisu” Müalicəİstirahət Kompleksi həm tarixi və mədəni önəmə, həm də müalicə və turizm baxımından strateji əhəmiyyətə malikdir. Modern infrastruktur, təbii və mineral resurslar, habelə müxtəlif müalicə xidmətləri ilə kompleks Azərbaycanın sağlamlıq turizmi sahəsində yeni mərhələ açır.
Mətanət Cəfərova,
Yeni Azərbaycan Partiyası,məsləhətçi
