Azərbaycan Prezidenti Cənab İlham Əliyevin Bişkekdə keçirilən Türk Dövlətləri Təşkilatı Dövlət Başçılarının 11-ci Zirvə görüşündəki çıxışı, Türk dünyasının birliyinə və əməkdaşlığına töhfə vermək baxımından əhəmiyyətli məqamları ehtiva edirdi. Noyabrın 6-da baş tutan görüşdə cənab Prezidentimiz Azərbaycanın regionda oynadığı rolu və Türk Dövlətləri arasında əməkdaşlığın inkişafına dair öz fikirlərini bölüşdü. Onun çıxışı həm Türk Dövlətləri Təşkilatının üzvlərinə həmrəyliyi gücləndirmək üçün vacib çağırışlar, həm də regionda sülh və sabitliyin təmin olunması üçün səylərin davam etdirilməsinə vurğu ilə yadda qaldı. Prezident İlham Əliyev çıxışında Azərbaycan üçün önəmli olan bəzi məsələləri gündəmə gətirdi. Əvvəlcə, Türk Dövlətləri Təşkilatının fəaliyyətinin və onun üzvləri arasındakı əlaqələrin güclənməsinin hər bir üzv ölkə üçün strateji əhəmiyyət daşıdığını vurğuladı. Prezident İlham Əliyev qeyd etdi ki, Azərbaycan və digər Türk Dövlətləri Təşkilatı üzvləri iqtisadi, mədəni və sosial sahələrdə əməkdaşlığı inkişaf etdirməklə yanaşı, regional sülhün və təhlükəsizliyin möhkəmləndirilməsinə də xüsusi diqqət yetirməlidirlər. Bundan əlavə, Azərbaycanın Qarabağ münaqişəsindən sonra bölgədəki vəziyyətə dair mövqeyi və bölgənin yenidənqurma prosesi haqqında məlumat verən dövlət başçımız bu prosesdə Türk Dövlətlərinin dəstəyi və həmrəyliyinin böyük rol oynadığını vurğuladı. O, Azərbaycanın regionda sülh və sabitliyin təmin olunmasına sadiq qaldığını və yeni əməkdaşlıq imkanlarının formalaşdırılması üçün Türk dövlətləri ilə daha sıx əməkdaşlıq etməyə hazır olduğunu bildirdi. Ölkə rəhbərimiz çıxışında enerji təhlükəsizliyinin əhəmiyyətindən bəhs etdi. Azərbaycanın zəngin enerji resursları və bu resursların Avropaya və digər regionlara çatdırılması istiqamətində apardığı işlər Türk Dövlətləri üçün də əhəmiyyətlidir. O, Azərbaycan və digər Türk Dövlətləri Təşkilatı üzvləri arasında enerji sahəsində əməkdaşlığın daha da dərinləşdirilməsinin hər iki tərəf üçün mühüm faydalar gətirəcəyini bildirdi. Eyni zamanda, nəqliyyat və logistika sahəsində əməkdaşlığın vacibliyi də vurğulandı. Mərkəzi Asiyadan keçən və Azərbaycanın tranzit ölkə kimi iştirak etdiyi beynəlxalq nəqliyyat dəhlizləri Türk Dövlətləri arasında ticarətin genişlənməsinə və iqtisadi əlaqələrin inkişafına kömək edir. Prezident cənab İlham Əliyev bu sahədə də birgə layihələrin həyata keçirilməsinin önəmini qeyd etdi. Dövlət başçımızın çıxışı, Türk dünyasının gələcək inkişafı naminə bir növ strateji yol xəritəsi təqdim etdi.
Məmmədova Nərmin,
YAP-ın gənc fəalı
