1993-cü ilin 15 iyun tarixi Azərbaycan xalqının taleyində dönüş nöqtəsi kimi yadda qalmışdır. Həmin dövrdə ölkədə siyasi sabitliyin pozulması, iqtisadi böhran, vətəndaş qarşıdurması təhlükəsi və torpaqlarımızın işğalı dövlət müstəqilliyini ciddi təhdid altında qoymuşdu. Belə mürəkkəb bir şəraitdə xalqın təkidli tələbi ilə Ümummilli Lider Heydər Əliyevin hakimiyyətə qayıdışı Azərbaycanın xilası üçün mühüm əhəmiyyət kəsb etdi.
Milli Qurtuluş Günü təkcə bir tarixi hadisə deyil, həm də dövlətçiliyimizin qorunmasının rəmzidir. Ulu Öndərin siyasi təcrübəsi, uzaqgörənliyi və qətiyyəti sayəsində ölkədə sabitlik bərpa edildi, qanunsuz silahlı dəstələrin fəaliyyəti dayandırıldı və dövlət idarəçiliyi sistemi yenidən quruldu. Azərbaycan parçalanmaq təhlükəsindən xilas olaraq inkişaf yoluna qədəm qoydu.
Heydər Əliyevin rəhbərliyi ilə həyata keçirilən tədbirlər ölkənin beynəlxalq nüfuzunun artmasına da şərait yaratdı. Xarici dövlətlərlə münasibətlər möhkəmləndirildi, iqtisadi islahatlar həyata keçirildi və mühüm enerji layihələrinin əsası qoyuldu. Bunun nəticəsində Azərbaycan regionun aparıcı dövlətlərindən birinə çevrilməyə başladı.
Milli Qurtuluşdan sonra əldə olunan uğurlar ölkənin gələcək inkişafı üçün möhkəm təməl yaratdı. Müstəqil dövlət quruculuğu prosesi sürətləndi, hüquqi-demokratik islahatlar həyata keçirildi və xalqın gələcəyə inamı bərpa olundu. Bu uğurların hər biri Ulu Öndərin uzaqgörən siyasətinin nəticəsi idi.
Azərbaycan xalqı hər zaman Heydər Əliyevin dövlətçilik qarşısındakı xidmətlərini yüksək qiymətləndirir. Onun müəyyən etdiyi inkişaf strategiyası ölkənin müasir tarixində mühüm rol oynayaraq milli maraqların qorunmasına xidmət etmişdir. Bu siyasi kurs sonrakı illərdə də uğurla davam etdirilmişdir.
Bu gün Azərbaycan güclü iqtisadiyyata, qüdrətli orduya və yüksək beynəlxalq nüfuza malik dövlətdir. Əldə olunan nailiyyətlərin əsasında 1993-cü ildə başlanan qurtuluş və sabitlik siyasəti dayanır. Məhz həmin siyasət dövlətimizin daha da güclənməsinə şərait yaradıb.
Milli Qurtuluş Günü xalqımızın birlik və həmrəyliyinin təntənəsidir. Bu gün Azərbaycan vətəndaşları həmin tarixi hadisəni dərin ehtiramla yad edir, dövlətçiliyimizin xilası naminə göstərilən xidmətləri minnətdarlıqla xatırlayırlar. Qurtuluş yolu ölkəmizi müstəqillikdən inkişaf mərhələsinə aparan şərəfli bir yol olmuşdur.
15 İyun Milli Qurtuluş Günü Azərbaycan tarixinin ən mühüm səhifələrindən biri olaraq qalır. Bu əlamətdar gün xalqımızın gələcəyini müəyyənləşdirmiş, müstəqil dövlətimizin möhkəmlənməsinə və tərəqqisinə yol açmışdır. Milli Qurtuluşun yaratdığı möhkəm təməl üzərində qurulan Azərbaycan bu gün də inamla inkişaf edir.
Tünzalə Əliyeva,
YAP Nizami rayon təşkilatının məsləhətçisi
