Vuçiç ölkəsinin Aİ-yə daxil olmağa hazır olduğunu açıqlayıb
Serbiya Prezidenti Aleksandar Vuçiç respublikanın Avropa İttifaqına daxil olmağa hazır olduğunu açıqlayıb.
İnfososium.az xəbər verir ki, o, bunu Milli Assambleyanın (ölkə parlamentinin) iclasında deyib.
“Serbiya Avropa yolundadır və Atlantik inteqrasiyaya gəldikdə, Serbiya NATO-ya qoşulmaq istəmir. Serbiya öz hərbi neytrallığını canfəşanlıqla qorumaq və gücləndirmək istəyir. Avropaya inteqrasiya ilə Atlantik inteqrasiya arasında fərq var”, – deyə prezident vurğulayıb.
Vuçiç bildirib ki, Qərb Kosovo məsələsinin həlli planından imtina edəcəyi təqdirdə respublikanı Avropa İttifaqına qəbul etməyəcəyi ilə hədələyir. Onun sözlərinə görə, Serbiyanın Aİ-yə üzvlüyünün verilməməsi təhlükəsi ilə yanaşı, bəzi ölkələrin nümayəndələri respublikanı bütün investisiyalardan məhrum edəcəklərini qeyd ediblər.
