Zəngilan – Qəhrəmanlıq və Qürur Simvolu
Zəngilan şəhərinin işğaldan azad olunması Azərbaycan tarixinin şanlı səhifələrindən biridir. Bu qələbə xalqımızın azadlıq istəyinin və milli iradəsinin təntənəsi kimi yadda qalmışdır.
İllərlə işğal altında qalan Zəngilan torpaqları öz azadlığına qovuşacağı günü gözləyirdi. Həmin torpaqlardan didərgin düşmüş insanlar doğma evlərinə qayıtmaq ümidi ilə yaşayırdılar.
2020-ci il oktyabrın 20-də Azərbaycan Ordusunun Zəngilan şəhərini azad etməsi bu ümidi gerçəyə çevirdi. Şəhərin azadlığı Vətən müharibəsinin gedişində mühüm hərbi və strateji əhəmiyyət daşıyırdı.
Zəngilan uğrunda aparılan mübarizə Azərbaycan əsgərinin cəsarətini və peşəkarlığını bir daha sübut etdi. Qazanılan qələbə şəhidlərimizin xatirəsinə ehtiramın, qazilərimizin fədakarlığının təcəssümüdür.
Bu gün Zəngilan xalqımız üçün yalnız coğrafi məkan deyil, həm də qəhrəmanlığın, vətənpərvərliyin və milli qürurun rəmzidir. Onun azadlığı gələcək nəsillərə daim örnək olacaqdır.
Vüqar Quliyev,
YAP Nizami rayon təşkilatının “Heydər Əliyev prospekti, 113” ərazi partiya təşkilatının sədr müavini
