Azərbaycan Respublikasının Prezidenti İlham Əliyevin İtaliya Respublikası Nazirlər Şurasının sədri Ciorcia Meloninin 2026-cı il mayın 4-də Azərbaycana rəsmi səfəri çərçivəsində mətbuata verdiyi bəyanat iki ölkə arasında mövcud olan strateji tərəfdaşlıq münasibətlərinin yüksək səviyyəsini və çoxşaxəli əməkdaşlığın dinamik inkişafını bir daha təsdiqləmişdir.
Dövlət başçısı bəyanatında Azərbaycan ilə İtaliya arasında siyasi dialoqun yüksək səviyyədə olduğunu vurğulamış, qarşılıqlı hörmət və etimada əsaslanan münasibətlərin bütün sahələrdə ardıcıl şəkildə inkişaf etdiyini qeyd etmişdir. Bildirilmişdir ki, İtaliya Respublikası Azərbaycanın əsas ticarət tərəfdaşlarından biri olmaqla yanaşı, Avropa məkanında ölkəmizin mühüm tərəfdaşı kimi çıxış edir. Prezident İlham Əliyev enerji sahəsində əməkdaşlığı xüsusi qeyd edərək, Azərbaycanın Avropanın enerji təhlükəsizliyinin təmin edilməsində etibarlı tərəfdaş olduğunu diqqətə çatdırmışdır. Bu kontekstdə Cənub Qaz Dəhlizi layihəsinin əhəmiyyəti vurğulanmış, İtaliyanın həmin layihədə əsas iştirakçı və faydalanan ölkələrdən biri olduğu bildirilmişdir. Enerji əməkdaşlığının uzunmüddətli və strateji xarakter daşıdığı xüsusi olaraq qeyd edilmişdir. Bəyanatda qeyri-neft sektorunda əməkdaşlığın genişləndirilməsinin vacibliyi də ön plana çəkilmişdir. Sənaye, kənd təsərrüfatı, nəqliyyat, logistika və digər sahələrdə birgə layihələrin həyata keçirilməsi üçün əlverişli imkanların mövcud olduğu vurğulanmışdır. Eyni zamanda, İtaliya şirkətləri üçün Azərbaycanda yaradılmış əlverişli investisiya mühiti yüksək qiymətləndirilmişdir.
Humanitar sahədə əməkdaşlıq məsələlərinə toxunan dövlət başçısı təhsil, mədəniyyət və turizm istiqamətlərində əlaqələrin daha da inkişaf etdirilməsinin əhəmiyyətini qeyd etmişdir. Bu sahələrdə həyata keçirilən layihələrin xalqlar arasında qarşılıqlı anlaşmanın və dostluğun möhkəmlənməsinə xidmət etdiyi bildirilmişdir.
Prezident İlham Əliyev həmçinin regional və beynəlxalq məsələlərə dair Azərbaycanın mövqeyini diqqətə çatdırmış, regionda sülhün, sabitliyin və təhlükəsizliyin təmin olunmasının vacibliyini vurğulamışdır. Beynəlxalq hüququn norma və prinsiplərinə hörmətin önəmi xüsusi qeyd edilmişdir.
Nəticə etibarilə, Azərbaycan Respublikasının Prezidenti İlham Əliyevin verdiyi bəyanat Azərbaycan–İtaliya münasibətlərinin strateji mahiyyətini, əməkdaşlığın geniş perspektivlərini və qarşılıqlı maraqlara əsaslanan tərəfdaşlığın gələcək inkişaf istiqamətlərini aydın şəkildə ifadə etmişdir. Ciorcia Meloninin Azərbaycana rəsmi səfəri isə iki ölkə arasında mövcud əlaqələrin daha da möhkəmləndirilməsinə və yeni əməkdaşlıq imkanlarının reallaşdırılmasına mühüm töhfə kimi dəyərləndirilir.
Turac İbrahimova,
Neft Kəmərləri İdarəsinin əməkdaşı
