27 sentyabr Anım Gününün təsis edilməsi ilə yanaşı, şəhidlərimizin xatirəsini əbədiləşdirmək üçün ölkə rəhbərliyi tərəfindən vacib qərarlar qəbul olunub. Bakıda Zəfər Muzeyinin və Xatirə Kompleksinin yaradılması bu tarixi qələbənin və şəhidlərimizin adının əbədiləşdirilməsinə xidmət edir.
Bu komplekslər və muzeylər gələcək nəsillər üçün bir hafizə məkanı olacaq. Buraya gələn hər bir insan 44 günlük Vətən müharibəsinin tarixini, hərbçilərimizin göstərdiyi şücaəti və qazanılan böyük zəfəri gözləri ilə görə biləcək. Şəhidlərimizin şəxsi əşyaları, fotoşəkilləri burada ehtiramla qorunur.
Ölkəmizin hər bir şəhər və rayonunda şəhidlərin xatirəsinə abidələr ucaldılır, bulaqlar bulaqlaşdırılır, parklar salınır. Bu məkanlar insanların ziyarətgahına çevrilir. Hər bir abidə şəhidlərimizə olan sonsuz sevginin və minnetdarlıq hissəsinin nişanəsidir.
Anım Günündə bu xatirə kompleksləri minlərlə insan tərəfindən ziyarət olunur. Şəhidlərimiz fiziki olaraq aramızda olmasalar da, onların xatirəsi bu abidələrdə və qəlblərimizdə əbədi yaşayır. Onlar bizim qürur tariximizdir.
Zəhra Xudiyeva,
YAP Nizami rayon təşkilatının fəalı
