Ağdamda yaşlı nəslin sosial rifahı və qayğı ilə əhatə olunması

Böyük Qayıdışın ən təsirli və mənəvi məqamlarından biri ömrünün böyük hissəsini yurd həsrəti ilə yaşamış yaşlı nəslin öz doğma torpaqlarına qayıtmasıdır. Ağdamda yeni sosial infrastrukturun qurulması zamanı ahıl vətəndaşların rahatlığı, sağlamlığı və sosial fəallığı xüsusi diqqət mərkəzində saxlanılır. Yaşayış binalarında, parklarda və ictimai məkanlarda yaşlı insanların sərbəst və təhlükəsiz hərəkəti üçün bütün zəruri şərait yaradılır.
Şəhərdə fəaliyyət göstərən sosial xidmət mərkəzləri və tibb müəssisələri yaşlı sakinlərin sağlamlığının mütəmadi nəzarətdə saxlanılmasını və onlara lazımi dəstəyin göstərilməsini təmin edir. Eyni zamanda, ağsaqqalların və ağbirçəklərin gənc nəsillə görüşlərinin təşkili şəhərin tarixi yaddaşının və milli dəyərlərinin yaşadılmasına xidmət edir.
Yaşlı nəslin qayğı və ehtiramla əhatə olunması cəmiyyətimizin mənəvi bütövlüyünün göstəricisidir. Onların doğma yurdda rahat və xoşbəxt yaşaması Böyük Qayıdışın ən ali məqsədlərindən biridir.
Fariz Hüseyinli,
YAP Nizami rayon təşkilatının fəalı



