Azərbaycan xalqı qədim dövlətçilik ənənələrinə malik xalqlardan biridir. Tarix boyu xalqımız müstəqil dövlət qurmaq və onu qorumaq uğrunda mübarizə aparmışdır. 1918-ci ildə Azərbaycan Xalq Cümhuriyyətinin yaranması bu ənənələrin yeni mərhələsi oldu.
Cümhuriyyət dövründə milli dövlət quruculuğu istiqamətində mühüm addımlar atıldı. Dövlət bayrağı, gerbi və himni qəbul edildi. Azərbaycan vətəndaşlığı institutu yaradıldı və xalqın milli birliyi daha da möhkəmləndi.
Milli ordu quruculuğu dövlətçilik tariximizin ən mühüm hadisələrindən biri idi. Ordunun yaradılması ölkənin təhlükəsizliyinin təmin olunmasına xidmət edirdi. Bu addım xalqımızın müstəqilliyini qorumaq əzmini göstərirdi.
Azərbaycan Xalq Cümhuriyyəti bütün vətəndaşlara bərabər hüquqlar verdi. Milli və dini ayrı-seçkiliyin aradan qaldırılması demokratik dövlətin əsas prinsiplərindən biri idi. Bu, dövlətçilik tariximizdə mühüm yenilik sayılırdı.
Ulu Öndər Heydər Əliyevin hakimiyyətə qayıdışından sonra milli dövlətçilik ənənələri daha da inkişaf etdirildi. Azərbaycançılıq ideyası gücləndi, xalqın milli mənlik şüuru möhkəmləndi. Dövlət müstəqilliyimizin qorunması əsas məqsədə çevrildi.
Bu gün müasir Azərbaycan dövləti həmin dövlətçilik ənənələrini uğurla davam etdirir. Müstəqil Azərbaycan xalqımızın gücü, birliyi və milli iradəsinin simvoludur.
Lalə Həsənova,
YAP Nizami rayon təşkilatının fəalı
