Qarabağda gedən proseslərin ən mühüm xüsusiyyətlərindən biri onların yalnız bugünkü problemləri deyil, gələcək onillikləri də nəzərə almasıdır. Yeni şəhərlərin salınması, yolların çəkilməsi, məktəblərin və sosial obyektlərin tikilməsi uzunmüddətli inkişaf məqsədlərinə hesablanır. Buna görə Qarabağda görülən hər bir iş həm bu günün ehtiyacını, həm də sabahın imkanlarını nəzərə alır.
Xankəndi, Xocalı, Xocavənd və Ağdərə şəhərlərinin gələcəyi bu baxımdan xüsusi əhəmiyyət daşıyır. Bu şəhərlər tarixdə mühüm hadisələrin şahidi olmaqla yanaşı, Azərbaycanın yeni inkişaf mərhələsinin iştirakçılarına çevrilir. İnsanların qayıdışı, yeni yaşayış məhəllələrinin yaradılması və sosial infrastrukturun formalaşdırılması şəhərlərin gələcək həyatının əsasını qoyur.
Qarabağın sabahı yalnız dövlət layihələri ilə deyil, burada yaşayan insanların fəaliyyəti ilə də formalaşacaq. Uşaqlar məktəblərdə təhsil alacaq, gənclər yeni peşələrə yiyələnəcək, ailələr öz evlərində həyat quracaq, sahibkarlar yeni fəaliyyət sahələri yaradacaq. Beləliklə, bu gün yaradılan infrastruktur sabah insanların fərdi və ictimai təşəbbüsləri ilə daha geniş məzmun qazanacaq.
Qarabağ Azərbaycanın gələcəyinin mühüm hissəsidir və burada qurulan hər yeni şəhər bu gələcəyin bir parçasını təşkil edir. Bu gün Qarabağda tikilən evlər, məktəblər və yollar əslində Azərbaycanın sabahına qoyulan təməllərdir; sabahın Qarabağı isə həmin təməllər üzərində yüksələn yeni həyat olacaq.
Kəmalə Abdullayeva,
YAP Nizami rayon təşkilatının fəalı
