Yeni Azərbaycan Partiyasının VIII Qurultayında modern dövlət quruculuğunun və ictimai idarəetmənin prioritet xətlərindən biri kimi rəqəmsallaşma və yüksək texnologiyaların tətbiqi məsələsi diqqət mərkəzində olmuşdur. 2026-cı il oktyabrın 2-də Heydər Əliyev Mərkəzində keçirilən ali təşkilati forumda qəbul edilən strategiya ölkənin rəqəmsal suverenliyinin möhkəmləndirilməsini və idarəetmə mexanizmlərinin texnoloji yeniliklərə uyğunlaşdırılmasını strateji hədəf kimi müəyyən etmişdir.
Süni intellekt texnologiyalarının və böyük həcmli məlumatların (Big Data) dövlət xidmətləri sektoruna inteqrasiyası bürokratik engəllərin aradan qaldırılmasına və qərarların qəbulu prosesində operativliyin yüksəldilməsinə xidmət edir. Elektron hökumət infrastrukturunun genişləndirilməsi və vətəndaş-dövlət münasibətlərinin rəqəmsal platformalar üzərindən qurulması idarəetmədə şəffaflığı maksimum səviyyəyə qaldırır. YAP bu innovativ modeli dövlət siyasətinin ana xətti kimi dəstəkləyir.
Rəqəmsal transformasiya eyni zamanda ölkənin kiberxəbərdarlıq və informasiya təhlükəsizliyi sisteminin gücləndirilməsini zəruri edir. Rəqəmsal məkanda milli maraqların qorunması, kritik informasiya infrastrukturlarının mühafizəsi və kibertəhdidlərə dərhal cavab verilməsi imkanlarının artırılması partiyanın proqram sənədlərində mühüm yer tutur. Bu istiqamət milli təhlükəsizliyin rəqəmsal komponentini təşkil edir.
Milli rəqəmsal kadr potenasialının formalaşdırılması, gənclərin IT və mühəndislik sahələrinə cəlb edilməsi, texnoparkların və startap ekosisteminin inkişafı rəqəmsal sıçrayışın əsas drayveridir. Qurultay materiallarında rəqəmsal savadlılığın artırılması və innovativ düşüncə tərzinin cəmiyyətdə təşviq olunması xüsusi vurğulanmışdır. Bu yanaşma Azərbaycanın beynəlxalq innovasiya indekslərindəki mövqeyini yaxşılaşdırır.
YAP VIII Qurultayı rəqəmsallaşmanı yalnız texnoloji yenilənmə kimi deyil, həyata keçirilən struktur islahatlarının katalizatoru kimi dəyərləndirdi. İdarəetmədə rəqəmsal həllərin genis tətbiqi Azərbaycanın müasir, çevik və rəqabətədavamlı dövlət modelini daha da təkmilləşdirir. Partiya ölkənin rəqəmsal gələcəyinin ideoloji və siyasi təminatçısı kimi çıxış edir.
Aytac Şahverənli,
YAP Nizami rayon təşkilatının fəalı
